PHILIPPINE NATIONAL OIL COMPANY ( PNOC ) MAGLALAAN NG PONDO PARA SA JATROPHA PROJECT SA MGA LALAWIGAN SA BUONG BANSA

May 18, 2009 - Maglalaan ng pondo para sa Jatropha Project ang Philippine National Oil Company-Alternative Fuel Corporation(PNOC-AFC) para sa 10,000 ektaryang lupain na pagtataniman ng Jatropha sa ibat-ibang lalawigan sa buong bansa, na inaasahang makapagbibigay ng hanap buhay sa 10,000 mamamayan.

Ang lalawigan ng Quezon ang unang probinsya na mabibigyan ng pondo para sa nasabing proyekto. Ito ay dahilan sa mahusay na pamamahala ng kasalukuyang administrasyon sa pamumuno ni Gobernador Raffy P. Nantes na puspusan ang ginagawang pagsusulong sa lalawigan ng mga proyektong pangkaunlaran para sa mga mamamayan, isa na dito ang ektaryang lupain sa lalawigan, alinsunod na rin sa itinakda ng Bio-Fuels act of 2006, RA 9637.

Sa kasalukuyan ay may mahigit na sa 100ektaryang lupain sa Tagkawayan Quezonang nataniman na ng Jatropha sa pamamagitan ng Tagkawayan Jatropha Farmers Multi-Purpose Cooperative(TJFMPC). Bukas, Mayo 19, 2009 ay isasagawa sa punong tanggapan ng PNOC_AFC sa Lapanday Building, PNOC Compound, Makati City ang paglagda sa Memorandum of Agreement (MOA) sa pagitan ng PNOC-AFC at Pamahalaang Panglalawigan ng Quezon.

Inaasahang darating para lumagda sa Tripartite Agreement si Gen. Romeo Tolentino, Pangulo ng PNOC-AFC, Quezon Governor Raffy P. Nantes at mga bumubuo ng Quezon Jatropha Development Board sa Host Province at G.Jose Serrano, Pangulo ng TJFMPC sa panig ng Farmers Cooperative. (PGO Media Burea-Boy Tuvera/Beng Bodino/Tony Sandoval)