 |
|||||||||
 |
 |
||||||||
HUNYO 22, 2009, LUNGSOD NG LUCENA ---Hindi naging hadlang ang malalaking alon sa karagatan sanhi ng masamang panahon , nagsagawa ng bisita opisyal si Gobernador Raffy P. Nantes sa mga bayan ng Jomalig at Patnanungan noong Hunyo 18 at 19, 2009 at nagkaloob ng mga pangunahing pangangailangan sa mga residente ng nasabing dalawang island municipality. Kasabay ng bisita opisyal ni Gob. Nantes sa bayan ng Jomalig at Patnanungan ang magkasabay na pagdaraos ng ika-48 anibersaryo ng araw ng pagkakatatag ng Jomalig at Patnanunngan. Pinangunahan din niya ang blessing and inauguration ng one storey , 3 classroom building sa dalawang nabanggit na bayan. Sinalubong si Gob. Nantes ni Jomalig Mayor Rodelo Tena at makaraan ay isinagawa sa plaza ang pamamahagi ng punong lalawigan ng 5 jetmatic pump at 10 tubo para sa limang barangay. Ilan pa sa ipinagkaloob ng gobernador ay 5 kahon ng gamot, 10 sako ng palayseeds, 5 sako ng corn seeds, 30 wall clocks, 5 lambat, 5 bola ng basketball, 5 bola ng volley ball, 10 tingga, 15 pataw. Lubos ang pasasalamat ni Mayor Tena at ng kanyang mga kababayan kay Gob. Nantes dahil sa inianunsyo nito na pagsasagawa ng proyektong farm to market road na nagkakahalaga ng 500,000, planong pagdaragdag ng haba ng pantalan at pagkakaloob ng P50,000 para sa pagdaraos ng kapistahan ng nasabing bayan. Sakay ng M/B Raffy P. Nantes, nilakbay ng kalahating oras ng grupo ni Gob. Nantes ang maalong karagatan at nagsadya naman sa bayan ng Patnanungan at doon ay sinalubong siya ng nagkakatuwaang mga residente na pinangunahan nina Mayor Dante Eusebio, Vice Mayor Rodrigo Toledo at Sangguniang Bayan. Anim na jetmatic pump at 12 tubo ang ibinigay ni Gob. Nantes para sa anim na barangay ng Patnanungan, 6 na kahon ng gamot, 6 na bola ng basketball, 6 na bola ng volleyball, 30 wall clock, 11 sako ng palay seeds, 5 sako ng corn seeds at isang briggs & stratton engine ( 16 horse power ). Nagkaloob din ang gobernador ng P50,000 para sa kapistahan ng nasabing bayan, planong padugtungan ang pantalan at farm to market to road na nagkakahalaga ng P500,000 at ipagagawa ang covered court upang maging maayos ang pagdaraos ng mga okasyon sa nasabing bayan. Nakasama ni Gob. Nantes sa kanyang bisita opisyal sina First District Board Members Alona Obispo at Tetchie Dator, Executive Assistan IV Ador Culing, Executive Assistant 1 Ryan Maminta, at PAIAD Head Carlo Vinci Vilafranca .( PGOmbTSM/NMB )
|
|||||||||
 |
|||||||||
